Müdafiə Nazirliyinin brifinqi başa çatdı (VİDEO + Yenilənib)

Müdafiə Nazirliyi brifinq keçirib.

32gun.az xəbər verir ki, Müdafiə Nazirliyinin mətbuat xidmətinin rəis müavini Anar Eyvazov brifinqdə bildirib ki, sentyabrın 12-dən etibarən erməni diversantlar boşluqlardan sızaraq Azərbaycan ərazisində minalama işləri aparıblar:

"Artileriya və minaatanlardan Azərbaycan ərazisini atəşə tutublar. Şəhidlərimizin qanı yerdə qalmayıb. Azərbaycan ordusunun gördüyü adekvat tədbirlər nəticəsində Ermənistan tərəfi canlı qüvv və texnika baxımından böyük itkilər verərək geri çəkilməyə məcbur edilib. Qarşı tərəf sentyabrın 13-ü əldə edilən atəşkəs razılaşmasına əməl etməyib.

Ötən gün və gecə saatlarında Kəlbəcər və Laçın rayonlarında xidmət edən hərbi qulluqçularımız və mülki işçilərə təhdid göstərilib. Daşkəsən, Kəlbəcər və Laçında yerləşən bölmələrimiz atəşə tutulub. Hazırda vəziyyət gərgin olaraq qalır. Ermənistan KTMT təşkilatını da öz çirkin əməllərinə qatmaq istəyir. Azərbaycan tərəfi yalnız düşmənin hərbi obyektlərini hədəfə alır".

***17:45

Müdafiə Nazirliyinin brifinqi başlayıb. 

32gun.az xəbər verir ki, brifinq AzTV-də canlı yayımlanır. 

*** 16:54

Azərbaycan Müdafiə Nazirliyi brifinq keçirəcək.

32gun.az xəbər verir ki, brifinqdə Ermənistan silahlı qüvvələrinin genişmiqyaslı təxribatları ilə bağlı ətraflı məlumat veriləcək.