Bakıda eşidilən partlayış səsinin səbəbi bu imiş - AÇIQLAMA (YENİLƏNİB)

Bakıda səhər saatlarından etibarən partlayış səsləri eşidilir. Gurultunun səbəbi bəlli olmadığı üçün insanlarda narahatlıq yaradıb.

Fövqəladə Hallar Nazirliyinin mətbuat xidmətindən 32gun.az-a verilən açıqlamada qeyd edilib ki, hazırda Bakı şəhərinin kənarında hərbi təlim keçirilir: “Təlimlərlə bağlı şəhərin bəzi yerlərində partlayış, gurultu səsləri eşidilir. Narahatlığa əsas yoxdur”.

*** 11:11

Bu gün səhər saatlarında paytaxtda güclü partlayış səsləri ictimaiyyətdə ciddi narahatlığa səbəb olub. 

32gun.az xəbər verir ki, bu barədə Daxili İşlər Nazirliyinin mətbuat katibi Elşad Hacıyev bildirib ki, ehtimala görə, partlayış səsləri şəhərin 20 yanvar ərazisindən eşidilir:

"Bu barədə bizə də məlumat gəlib və əməkdaşlarımız hazırda əraziyə gedir. Araşdırıb məlumat verəcəyik".