Zelenski Tramp və Putinlə üçlük kimi danışıqlar aparmaq istəmir

Ukrayna prezidenti Vladimir Zelenski ABŞ-ın yeni seçilmiş prezidenti Donald Tramp və Rusiya lideri Vladimir Putinlə Ukrayna münaqişəsinin üçtərəfli nizamlanması üzrə danışıqlara hazır olmadığını bildirib.

32gun.az xəbər verir ki, o bunu bloger Leks Fridmanla müsahibəsində deyib. 

Fridman Zelenskidən soruşub ki, o, yanvarda Putin və Trampla Şimali Atlantika Alyansına qoşulmadan təhlükəsizlik zəmanəti ilə sülh müqaviləsi imzalamaq üçün görüşəcəkmi? Ukrayna prezidenti cavab verib ki, əvvəlcə Tramp və avropalı siyasətçilər ilə görüşmək, sonra isə Putinlə danışmaq istəyir.

“Mən əminəm ki, o Tramp Avropa ilə birlikdə Ukraynanın təhlükəsizliyinə güclü təminat verə bilər. Sonra ruslarla söhbət. Bu, yeganə yoldur və təkcə üçümüzün dərhal oturmağımız deyil”, - deyə o qeyd edib.

Müsahibədə Zelenski həmçinin bildirib ki, Ukrayna gələcək hücumları dəf etmək üçün silahla təmin olunarsa, atəşkəslə razılaşacaq. O izah edib ki, silah çatdırılmasında gecikmələrlə bağlı vəziyyətin təkrarlanmasını istəmir.

Nilay