Kiçik Donald Tramp prezident seçkilərinə günlər qalmış Rumıniyaya səfər edəcək

Donald Trump Jr. 2024-ci il prezident seçkiləri ilə bağlı Ruminiyanın Konstitusiya Məhkəməsini tənqid edib

ABŞ Prezidenti Donald Trampın oğlu Donald Tramp Jr., ötən ilin prezident seçkilərinin təxirə salınması ilə bağlı Ruminiyanın Konstitusiya Məhkəməsini tənqid edib.

32gun.az G4media.ro saytına istinadən məlumat verir ki, Tramp Jr. 28 aprel tarixində Rumıniyaya səfər edəcək və "Trump Business Vision 2025" adlı biznes tədbirində iştirak edəcək. Səfəri çərçivəsində onun hökumət rəsmiləri ilə heç bir şəxsi görüşü olmayacaq.

Səfər yalnız Rumıniya ilə məhdudlaşmayacaq, Tramp Jr. Şərqi Avropanın digər ölkələrinə də səfər edəcək: Çexiya, Slovakiya, Macarıstan, Serbiya və Bolqarıstan.

Rumıniyada prezident seçkilərinin birinci turu 4 may tarixində keçiriləcək, ikinci tur isə 18 mayda baş tutacaq. Daha əvvəl, 6 dekabr 2024-cü il üçün nəzərdə tutulan prezident seçkiləri, Konstitusiya Məhkəməsinin qərarı ilə təxirə salındı, çünki seçki kampaniyasının aparılması zamanı pozuntular və Rusiya müdaxiləsi ilə bağlı ehtimallar var idi.

Tramp Jr. 7 dekabrda məhkəmənin qərarını tənqid edərək, bunu "Soros/marksistlərinin" Kalin Ciorcescu adlı ultrasağçı, Rusiya tərəfdarı namizədin qalibiyyətini əngəlləmək üçün həyata keçirdiyi bir cəhd olaraq qiymətləndirdi. O, sosial şəbəkələrdə "Baxın, Rumıniyada nə baş verir! Konstitusiya Məhkəməsi seçkilərin birinci turunu ləğv etdi. Soros/Marksistlərin nəticələri saxtalaşdırmağa və xalqın iradəsini inkar etməyə bir başqa cəhdi!" – yazmışdı.

Nilay