Məşhur aktrisanın qızına aid boş mənzilə 53 min kommunal borcu yazılıb

"Voroninlər" serialının ulduzu Yekaterina Volkova qızı Yelizavetaya aid mənzilə görə kommunal xidmətlər üçün gələn məbləğə təəccübləndiyini bildirib.

32gun.az xəbər verir ki, rusiyalı aktrisa bu barədə Instagram-da fikirlərini bölüşüb.

Yekaterina Volkova qeyd edib ki, ona 53 min rubl məbləğində qəbz gəlib. Onun sözlərinə görə, həmin mənzildə hazırda heç kim yaşamır. Aktrisa əlavə edib ki, onlar hələ qızı ilə birlikdə təmir işlərinə başlamayıblar. Məşhurun dediyinə görə, əvvəlcə ona ödənişlərin 11-12 min rubl civarında olacağı vəd edilmişdi. Volkova bildirib ki, həyat yoldaşı Andrey Karpovla birlikdə vəziyyəti araşdırmağa başlayıblar.

Aprelin 30-da aktrisa şəxsi bloqunda video paylaşaraq, həyat yoldaşı ilə birlikdə qızlarına Moskva-Siti mənzərəsi olan panoramik pəncərəli yeni mənzilin açarlarını təqdim etdiklərini göstərib. O zaman aktrisa qeyd edib ki, mənzildə hələ təmir yoxdur, lakin yaxın vaxtlarda o, Yelizaveta ilə bu məsələ ilə məşğul olmağı planlaşdırır.

“Mənim və Andrey üçün bu guşə sadəcə kvadrat metrlər deyil, qızımız üçün başlanğıc nöqtəsidir: təhsil, yeni ideyalar və ilk müstəqil qərarlar artıq onun öz evində olacaq, artıq 'harada yaşamaq?' sualı olmayacaq. Hələ də inana bilmirik ki, bu mənzil bizimdir, artıq onu 10 dəfə izləmişəm. Bildiyiniz kimi, mən hər şeyi qaydaya salmağı çox sevirəm, ona görə başımda nə planlar olduğunu təsəvvür edə bilərsiniz... amma çalışacağam ki, özümü saxlayım, axı orada yaşayacaq olan mən deyiləm”, – deyə Volkova yazıb.

Nilay