Alimlər Ay mantiyasının sirlərinin açarını kiçik şüşə muncuqlarda tapdılar

Qədim Ay qatlarının sirri: Çinin Chang'e-5 missiyasının göndərdiyi nümunələr yeni tapıntılar təqdim edir

Avstraliya və Çin Xalq Respublikasının beynəlxalq alimi qrupunun Ayın səthindən Çinin Chang'e-5 missiyası ilə gətirilən torpaq nümunələrini araşdırarkən gözlənilməz bir kəşf edilib. Mikroskopik yaşıl şüşə boncuklarının analizi Ayın səthinin altında nələrin gizləndiyini aydınlaşdıra bilər.

32gun.az bildirir ki, araşdırma, Science Advances (SciAdv) elmi jurnalında dərc olunub.

Adətən bu cür şüşə formaları meteoritlərin Ayın səthinə vurması nəticəsində yaranır. Lakin tapılan boncuklar, yüksək miqdarda maqnezium tərkibi ilə fərqlənir və bu, onların Ayın dərin qatlarından gəlməsi ehtimalını irəli sürür.

"Bu nümunələr, asteroidin Ayın səthini çırpması və materialın Ayın mərkəzindən atılması zamanı formalaşa bilərdi", – deyə Avstraliya Kertin Universitetinin professoru Aleksandr Nemçin izah edib.

Boncukların kimyəvi tərkibi məlum Ay daşlarından əhəmiyyətli dərəcədə fərqlənir. Alimlər, materialın "Yağışlar Basseyni" adı verilən nəhəng kraterin formalaşması zamanı atılmasının mümkün olduğunu düşünürlər. Bu kraterin yaşı 3 milyard ildən çoxdur.

Bu kəşf, gələcək Ay ekspedisiyalarının planlaşdırılması üçün mühüm əhəmiyyət kəsb edir. Ayın daxili quruluşunun anlaşılması, onun evrimini Yer və digər planetlərlə müqayisə etməyə kömək edəcək.

Nilay