Hava təravətləndiricilərinin partlaması nəticəsində iki qadın xəsarət aldı - Bu ölkədə

Maqadanda çoxmərtəbəli binanın bir mənzilində baş verən insident zamanı iki qadın xəsarət alaraq xəstəxanaya yerləşdirilib.

32gun.az xəbər verir ki, bu barədə Rusiyanın vilayətin FHN idarəsi məlumat yayıb.

Hadisə dördüncü mərtəbədəki mənzildə baş verib. Qonşular içəridən gələn kömək səsləri və gurultunu eşidərək təcili xidmətləri çağırıblar və mənzilin qapısını açmağa nail olublar. Zədələnən qadınlardan biri tüstü ilə dolu mənzildən qaçaraq çıxıb — onun əllərində yanıq xəsarətləri olub. O, alovu öz gücü ilə söndürməyə çalışsa da, buna nail ola bilməyib. Mənzildə qalan digər qadını isə hadisə yerinə çatan yanğınsöndürənlər xilas ediblər.

Hər iki qadın xəstəxanaya yerləşdirilib. Yanğınsöndürənlər 15 kvadratmetr ərazini əhatə edən yanğını söndürüblər. İlkin məlumata görə, yanğının səbəbi hamam otağında başlayan alovlanma olub. Yüksək temperatur bir neçə hava təravətləndiricisi balonunun partlamasına və hermetikliyinin pozulmasına səbəb olub.

Bundan əvvəl oxşar hadisə zamanı pişik sahibini yuxudan oyadaraq yanğından xilas etmişdi. 62 yaşlı kişi söndürülməmiş siqaretlə yuxuya getmiş, pişiyinin səsi ilə oyanaraq otağın tüstü ilə dolduğunu görmüşdü. O, evdən çıxmağı bacarsa da, yanıq xəsarətləri almışdı.

Ayaz