Azərbaycanda 72 nəfər SAXLANILDI

Respublikanın daxili işlər orqanları mayın 28-i və 29-da törədilən 99 cinayətin üstünü “isti izlər”lə açıb.

Daxili İşlər Nazirliyindən 32gun.az-a verilən məlumata görə, əvvəlki dövrlərdən bağlı qalan 5 cinayətin açılması təmin olunub.

Axtarışda olduğuna görə ümumilikdə 72 nəfər, o cümlədən borclu şəxs qismində axtarışda olan 48 nəfər saxlanılaraq aidiyyəti üzrə təhvil verilib. 

Respublikanın avtomobil yollarında 1 yol-nəqliyyat hadisəsi baş vermiş. Nəticədə 1 nəfər ölüb.   

Əməliyyat-axtarış tədbirləri nəticəsində narkotiklərlə əlaqəli 51, qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib. 

Cinayət törətməkdə şübhəli bilinən 74 nəfər saxlanılıb.