Superliqa komandalarından olan “Antalyaspor”un futbolçusu Naldo Pereriyanın ailəsi Antalya Konyaaltıda ağır yol qəzası keçirib.
32gun.az-ın Türkiyə mediasına istinadən verdiyi xəbərə görə avtomobildə futbolçunun oğlu, qayınatası və qayınanası olub. Naldonun qapıda sıxışıb qalan qayınatasını vətəndaşlar müxtəlif alətlərin köməyi ilə çıxarmağa çalışıblar.
Hadisə yerinə xeyli sayda Təcili Tibbi Yardım briqadası cəlb olunub.
Futbolçunun 4 yaşlı oğlunun vəziyyətinin ağır olduğu bildirilib.
Qəzaya səbəb yüksək sürətlə gələn avtomobilin məşhur futbolçunun ailəsinin maşınına çırpılması olub. Daha sonra maşın motosikletlə toqquşub.
Aysel Şirinova


