Sosial şəbəkələrdə yayılan görüntülər geniş marağa səbəb olub.
32gun.az xəbər verir ki, uzun illər artıq çəkidən əziyyət çəkən prokuror, ədliyyə müşaviri və Azərbaycan Yazıçılar Birliyinin üzvü Məmməd Əliyev iki dəfə mədəkiçiltmə əməliyyatı olunaraq 123 kiloqramdan 77 kiloqrama qədər arıqlayıb.
Dramatik həyat hekayəsi ilə diqqət çəkən Məmməd Əliyev ilk dəfə 2015-ci ildə başqa bir klinikada mədəkiçiltmə əməliyyatı keçirib. Lakin cəmi bir il ərzində az miqdarda çəki itkisi baş verib və il tamam olmamış yenidən kökəlmə prosesi başlayıb. Tətbiq edilən müxtəlif pəhriz və arıqlama prosedurları da nəticə verməyib.
2022-ci ildə yenidən 122 kiloqram çəkidə olan Məmməd Əliyev bu dəfə arıqlama üzrə ixtisaslaşmış həkim tərəfindən təkrar mədəkiçiltmə – resleeve əməliyyatı olunub (resleeve – əvvəlki mədəkiçiltmə əməliyyatından sonra mədənin yenidən kiçildilməsi prosedurudur).
Həkimin paylaşımına görə, artıq 3 ildir ki, pasiyent sağlam, gənc və ideal formada həyatını davam etdirir.
-->
