.jpg)
Almaniyalı alimlərdən stressə qarşı tövsiyə: gündə cəmi 11 dəqiqəlik rahatlama ilə nəticə əldə etmək mümkündür
Bundesver Universitetinin (Münhen) alimləri müəyyən ediblər ki, gündəlik cəmi 11 dəqiqə davam edən dərin rahatlama təcrübəsi belə stress, narahatlıq və depressiya əlamətlərini azaldır, eləcə də stress hormonu olan kortizol səviyyəsinə müsbət təsir göstərir.
32gun.az xəbər verir ki, tədqiqatın nəticələri Stress and Health jurnalında dərc olunub.
Alimlər "yoqa-nidra" adlanan meditasiya texnikasını – yəni "yoqik yuxu" üsulunu araşdırıblar. Bu, insanın şüurunu itirmədən dərin rahatlama vəziyyətinə keçdiyi yönləndirilmiş meditasiya növüdür. Texnikaya nəfəsə, bədəndəki hisslərə və təsəvvür edilən görüntülərə fokuslanmaq daxildir. Əvvəllər bu praktikanın yuxunu, əhvalı yaxşılaşdırdığı və narahatlığı azaltmağa kömək etdiyi iddia olunsa da, onun fizioloji stress göstəricilərinə – xüsusilə kortizol səviyyəsinə necə təsir etdiyi ilə bağlı kifayət qədər sübut yox idi.
Tədqiqatda 362 nəfər iştirak edib. Onlar təsadüfi şəkildə 4 qrupa bölünüb: biri gündə 11 dəqiqə, digəri isə 30 dəqiqə yoqa-nidra ilə məşğul olub, üçüncü qrup rahatladıcı musiqiyə qulaq asıb, dördüncü isə nəzarət qrupu olub. İştirakçılar gündəlik olaraq 2 ay ərzində tapşırıqları yerinə yetiriblər. Onların psixoloji vəziyyəti ilə bağlı anketlər doldurulub və 229 nəfərdən gün ərzində kortizol səviyyəsini ölçmək üçün tüpürcək nümunələri götürülüb.
Nəticələr göstərib ki, cəmi 11 dəqiqəlik qısa praktika belə stressi, depressiyanı, narahatlığı və obsesiv düşüncələri azaldır, ümumi rifah halını yaxşılaşdırır. Davamlı tətbiq zamanı kortizolun ümumi istehsalı və gün ərzində azalması müşahid
Nilay
.jpg)