AQTA pərdələrin yuyulması üçün 10 min manatlıq xidmət alır – qalib şirkət məlum oldu
Azərbaycan Respublikasının Qida Təhlükəsizliyi Agentliyi (AQTA) “Pərdələrin təmizlənməsi xidmətləri” ilə bağlı satınalma keçirib.
32gun.az-ın əldə etdiyi məlumata görə, bu xidmətin göstərilməsi üçün "GREEN CLEANİNG" Məhdud Məsuliyyətli Cəmiyyəti qalib elan edilib.
Tərəflər arasında 10.295,97 manat dəyərində müqavilənin bağlanacağı gözlənilir.
Sifarişə aşağıdakılar daxildir:
- Günlük pərdənin yuyulması
- Tül pərdənin yuyulması
- Velür parça bej rəngli pərdənin yuyulması
- Neylon bej rəngli tül pərdənin yuyulması
- Saten parça krem rəngli günlük pərdənin yuyulması
- Neylon tül qəhvə rəngli tül pərdənin yuyulması
Qalib şirkət – "GREEN CLEANİNG" MMC-nin qanuni təmsilçisi Gündüz Məmmədli Zakir oğludur. Şirkətin nizamnamə kapitalı 100 manat təşkil edir.
Xatırladaq ki, Azərbaycan Respublikasının Qida Təhlükəsizliyi Agentliyinə Qoşqar Təhməzli rəhbərlik edir.
Ayaz
