BP-nin qrantı ilə Azərbaycan Dövlət Neft və Sənaye Universitetində böyük alışlar

“Azərbaycan Dövlət Neft və Sənaye Universiteti” Publik Hüquqi Şəxsi BP Eksploreyşn (Kaspian Si) Limited Şirkətinin Azərbaycan Respublikasındakı Nümayəndəliyi tərəfindən ayrılmış qrant vəsaiti hesabına bir sıra satınalmalar həyata keçirir.

32gun.az xəbər verir ki, Universitetdə mebel və inventarların alınması üçün nəzərdə tutulan ehtimal olunan qiymət 241.331,00 AZN, avadanlıq və proqram təminatı üçün isə 355.166,00 AZN göstərilib. Qrant hesabına həyata keçirilən bu layihələr universitetin tədris və inzibati sahələrinin müasirləşdirilməsinə xidmət edəcək.

Məqsəd tələbələr və müəllim heyəti üçün daha rahat və effektiv iş şəraiti yaratmaqdır.

Ayaz