Trampın Maduroya ULTİMATOMU: “Bir Həftə Ərzində Ölkəni Tərk Et!” – Qısa Danışıqda Gərginlik Zirvəyə Çatdı

ABŞ və Venesuela arasında illərdir davam edən gərginlikdə yeni və kritik mərhələ yaşanıb. ABŞ Prezidenti Donald Trampın noyabrın 21-də venesuelalı həmkarı Nikolas Maduro ilə telefon danışığı zamanı ultimatum verdiyi iddia edilir.

32gun.az  "Reuters" agentliyinə istinadən xəbər verir ki, Tramp Madurudan həftənin sonuna qədər ailəsi ilə birlikdə Venesuelanı tərk etməsini qətiyyətlə tələb edib.

 15 Dəqiqəlik Güzəştli Keçid

Cəmi 15 dəqiqə davam etdiyi bildirilən söhbət zamanı Maduro, yeni seçkilər keçirilənə qədər müvəqqəti administrasiyaya vitse-prezident Delsi Rodrigesin rəhbərlik etməsini təklif edib.

Lakin Tramp Maduronun tələblərinin əksəriyyətini rədd edib.

Buna baxmayaraq, ABŞ prezidenti Maduronun və ailəsinin ölkəni tərk etməsi üçün bir həftəlik təhlükəsiz keçidə razılıq verib.

Maduronun İstefa Hazırlığı İddiası

CNN telekanalının yaydığı məlumat isə daha ciddi iddialar ehtiva edir. Telekanal iddia edir ki, Nikolas Maduro vəzifəsindən getməyə hazır olduğunu bildirib.

Mənbələr qeyd edir ki, bəzi Amerika rəsmiləri Venesuela liderinin təklif etdiyi ssenarini böhranın həlli yolu kimi dəyərləndirsələr də, Ağ Ev son qərar olaraq Maduronun dərhal istefasını tələb etmək mövqeyini sərgiləyib.

Bu telefon danışığı, Venesuela böhranının həlledici mərhələyə qədəm qoyduğu barədə ciddi siqnallar verir.

Ayaz