Dünya Çempionatı: Serbiya- Kamerun oyununda nə baş verdi? (YENİLƏNİB)

Qətərdə keçirilən futbol üzrə dünya çempionatında qrup mərhələsinin ikinci turunda daha bir oyun baş tutub.

32gun.az xəbər verir ki, günün ilk matçında G qrupunda Kamerun və Serbiya komandaları üz-üzə gəliblər. 

Qarşılaşma 3:3 hesabı ilə bitib. Afrikalıların qollarını 29-cu dəqiqədə Jan-Şarles Kastelletto, 64-cü dəqiqədə Vinsent Abubakar və 66-cı dəqiqədə Erik Çupo-Motinq vurub.

Avropa təmsilçisində 45+1-ci dəqiqədə Strahinya Pavloviç, 45+3-cü dəqiqədə Sergey Milinkoviç Saviç və 53-cü dəqiqədə Aleksandr Mitroviç fərqlənib. 

Hər iki tərəf mundialda ilk xalını qazanıb. Qrupa 3 xalla Braziliya seçməsi başçılıq edir. İkinci sıradakı İsveçrə də eyni xala malikdir. Serbiya və Kamerunun hərəyə bir xalı var. 

Qrupun digər matçında "sambaçılar" İsveçrə kollektivi ilə görüşəcək. Qarşılaşma Bakı vaxtı ilə saat 20:00-da başlayacaq. 

***15:39

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda daha iki qol vurulub. 

32gun.az xəbər verir ki, Afrika təmsilçisi hesabı bərabərləşdirib - 3:3

64-cü dəqiqədə Vinsent Abubakar, iki dəqiqə sonra isə Erik Çupo-Motinq adını tabloya yazdırıb. 

***15:11

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda növbəti qol vurulub. 

32gun.az xəbər verir ki, Avropa təmsilçisi hesab arasındakı fərqi daha da artırıb - 3:1. 

53-cü dəqiqədə Aleksandar Mitroviç fərqlənib. 

***15:11

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda ikinci hissə başlayıb. 

32gun.az xəbər verir ki, Avropa təmsilçisi hazırda 2:1 hesabı ilə öndədir. 

***14:54

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda birinci hissə başa çatıb. 

32gun.az xəbər verir ki, Avropa təmsilçisi fasiləyə 2:1 hesablı üstünlüklə yollanıb. 

Komandanın ikinci qolunu 45+3-cü dəqiqədə Sergey Milinkoviç Saviç vurub. 

***14:49

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda növbəti qol vurulub. 

32gun.az xəbər verir ki, 45+1-ci dəqiqədə Avropa təmsilçisinin heyətində Strahinya Pavloviç bərabərlik qolunu vurub - 1:1 

***14:35

Qətərdə keçirilən dünya çempionatında Kamerun və Serbiya yığmaları arasında G qrupunun II tur oyununda hesab açılıb. 

32gun.az xəbər verir ki, 29-cu dəqiqədə Jan-Şarles Kastelletto Afrika təmsilçisi önə keçirib - 1:0 

***14:06

Qətərdə futbol üzrə dünya çempionatı davam edir.

32gun.az xəbər verir ki, çempionatda Kamerun və Serbiya yığmaları arasında G qrupunun II tur oyunu başlayıb.

Qarşılaşmanın fiti Bakı vaxtı ilə saat 14:00-da çalınıb.

Qeyd edək kİ, komandalar aşağıdakı heyətlə yarışıelar:

Kamerun: 16. Devis Epassi, 19. Kollins Fai, 21. Şarles Kastellito, 3. Nikolas Nkulu, 25. Nuhu Tolo, 15. Pyer Malonq Kunde, 8. Zambo Angiza, 18. Martin Honqla, 20. Brayan Mbeumo, 13. Erik Çupo-Motinq, 12. Toko Ekambi

Serbiya: 23. Vanya Milinkoviç-Saviç, 2. Strahinya Pavloviç, 5. Miloş Velikoviç, 4. Nikola Milenkoviç, 17. Filip Kostiç, 6. Nemanya Maksimoviç, 16. Saşa Lukiç, 14. Andriya Jivkoviç, 20. Sergey Milinkoviç-Saviç, 9. Aleksandr Mitroviç, 10. Duşan Tadiç