Hadisənin "sifarişçisi" kimi saxlanıldığı deyilən "lord" ləqəbli idmançı Ramal Aslanov bu gün verilən qərarla iki vəzifəsindən azad edilib.
32gun.az-a daxil olan məlumata görə, Azərbaycan Kikboksinq Federasiyasında vitse-prezident olan Ramal Aslanov qurumun prezidenti Orxan Əliyevin qərarı ilə vəzifəsindən kənarlaşdırılıb. Saytımıza daxil olan məlumata görə, təcili daxili iclas keçirən federasiya rəhbəri bu kimi halların idmana ləkə olduğunu və yolverilməz olduğunu bildirib.
Bundan əlavə redaksiyamıza daxil olan məlumata görə idmançı Ramal Aslanov Suraxanı rayonu İcra başçısı Adil Əliyevin federasiyadakı müavini olmaq hüququnu da itirib. Məlumata görə, icra başçısı bu cür xuliqanlıq hallarının idman etikasına yaraşmadığını qeyd edib.
Xatırladaq ki, hadisəni törətməkdə şübhəli bilinərək saxlanılan şəxslər Elnur Həmidov, Elçin Hüseynov, Elvin Məmmədovdur.
Qeyd edək ki, Ramal Aslanov həmçinin Milli komandanın kapitanı və AKF İdarə heyətinin sədr müavini idi.
Ayxan
-->
