İndiana Universitetinin alimləri bakteriyaların mürəkkəb mikrob mühitlərində rəqiblərini məhv etmək üçün yeni bir üsulundan istifadə etdiyini aşkar ediblər. Bu kəşf zərərli bakteriyalara qarşı viruslardan istifadə edərək mübarizə aparmaq üçün yeni metodların inkişafına kömək edə bilər.
32gun.az bildirir ki, araşdırmanın nəticələri Nature Microbiology jurnalında dərc olunub.
Tədqiqatçılar müəyyən ediblər ki, bakteriyalar rəqiblərinin immunitetini zəiflədən və bakteriofaqların (bakteriyaları məhv edən viruslar) onlara təsirini gücləndirən molekullar istehsal edə bilirlər. Misal kimi, torpaqda tez-tez rast gəlinən Streptomyces sp. və Bacillus subtilis bakteriyaları təhlil olunub.
Araşdırmalar zamanı məlum olub ki, Streptomyces sp. bakteriyası koelehelin adlı maddə ifraz edərək Bacillus subtilis-in immun reaksiyasını zəiflədir və onun bakteriofaqlardan qorunmasına mane olur.
Araşdırmanın rəhbəri professor Conatan Gerts bu prosesi bakteriyaların “kollektiv məhvi” adlandırıb. Onun sözlərinə görə, bu üsul qonşu orqanizmlərin immun sisteminə təsir etməklə onları zəiflətməyi ehtiva edir.
Bu kəşf antibiotiklərə davamlı infeksiyalara qarşı mübarizədə, eləcə də insan və ətraf mühit mikrob mühitlərində bakteriyaların qarşılıqlı təsirlərini anlamaqda faydalı ola bilər. Əlavə olaraq, bu fenomen daha dərindən öyrənilərsə, bakteriofaqlar və bakteriyaların ifraz etdiyi kimyəvi maddələrin kombinasiyası bakterioloji infeksiyaların müalicəsində yeni strategiyaya çevrilə bilər.
Qeyd edək ki, daha əvvəl vaksinlərin effektivliyini artırmaq üçün gözlənilməz bir metod kəşf edilmişdi.
Nilay
.jpg)
.jpg)
