Amerikalı alimlər Dreksel Universitetindən hamilə qadınların yaşadığı ərazidə ağac əkilməsinin yeni doğulmuş körpələrin sağlamlığına birbaşa təsir etdiyini aşkar ediblər.
32gun.az xəbər verir ki, tədqiqat Science of The Total Environment (STTE) elmi jurnalında dərc olunub.
2015–2020-ci illər arasında doğulan 2 879 uşağın tibbi kartları və 36 min ağac haqqında məlumatların təhlili göstərib ki, hamilə qadının evinin 100 metrliyində hər yeni əkilən ağac körpənin doğularkən çəkisini orta hesabla 2,3 qram artırır. Ətrafda azı 10 ağac olduqda bu təsir 50 qramadək yüksələ bilər ki, bu da uşağın sağlamlığı üçün əhəmiyyətli üstünlük yaradır.
Tədqiqatçılar bildiriblər ki, əgər belə ağac əkmə tədbirləri həyata keçirilsəydi, az çəki ilə doğulan 642 körpənin vəziyyətinin qarşısı alına bilərdi.
İşin aparıcı müəllifi professor İvonne Maykl bildirib: “Bu, həyatın ilk günlərindən sağlamlığı yaxşılaşdırmaq üçün sadə və əlçatan bir üsuldur.”
Alimlərin sözlərinə görə, 50 qram — normal çəki ilə “aşağı çəkili döl” diaqnozu arasında kritik fərqdir və aşağı doğum çəkisi gələcəkdə inkişaf problemləri ilə əlaqələndirilir.
Ayxan
.jpg)
.jpg)
