Piylənmə, hipertenziya və digər metabolik sindrom simptomları təkcə ürək-damar sisteminə deyil, həm də beyinə təsir edərək, hətta gənc yaşlarda belə demensiyanın inkişafı riskini artıra bilər. Bu nəticəyə Cənubi Koreyanın Sungsil Universitetinin alimləri gəliblər.
32gun.az bildirir ki, tədqiqatın nəticələri Neurology jurnalında dərc olunub.
Araşdırmaya 40-60 yaş arası, tibbi müayinədən keçmiş təxminən iki milyon insan cəlb olunub. Tədqiqatçılar bel dairəsini, qan təzyiqini, qanda qlükoza, xolesterin və triqliserid səviyyələrini ölçüblər.
İştirakçıların dörddə birində metabolik sindrom (MS) — qarın piylənməsi, yüksək qan təzyiqi, yüksək qan şəkəri, yüksək triqliserid və aşağı "yaxşı" xolesterin (HDL) səviyyəsi kimi patologiyaların birləşməsi aşkarlanıb.
Səkkiz il ərzində aparılan müşahidələr nəticəsində 8921 nəfərdə (yəni 0,45% iştirakçıda) demensiya aşkarlanıb. Alimlərin hesablamalarına görə, metabolik sindromun mövcudluğu bu xəstəliyin erkən inkişaf riskini 24% artırır. Eyni zamanda, hər əlavə risk faktoru — məsələn, yüksək qan şəkəri və ya aşağı HDL səviyyəsi — bilişsel qabiliyyətlərin zəifləməsi ehtimalını artırırdı.
Xüsusilə bütün beş metabolik sindrom əlaməti olan insanlarda demensiya riski 70% yüksəlirdi. Tədqiqat zamanı cins fərqləri də müəyyən edilib: metabolik sindromu olan qadınlarda yaddaş və diqqət problemlərinin riski 34% artdığı halda, kişilərdə bu göstərici 15% olub. Həmçinin, 40 yaşlı insanlarda demensiya riski daha yüksək olub, nəinki daha yaşlı insanlarda...
Nilay
.jpg)
.jpg)
