Max Planck Yaşlanma Biologiyası İnstitutunun alimləri adi dairəvi qurdlar üzərində apardıqları tədqiqatda TFEB zülalının orqanizmin yaşlanma və gəncləşmə proseslərində rolunu müəyyənləşdiriblər.
32gun.az xəbər verir ki, Tədqiqat "Nature Aging" jurnalında dərc olunub.
Eksperimentlər göstərib ki, TFEB geni deaktiv edilmiş qurdlar aclıqdan sonra bərpa qabiliyyətini itirir, hüceyrələrində isə DNA zədələnməsi, iltihabi markerlər və oksidləşmə stressi kimi erkən yaşlanma əlamətləri müşahidə olunur.
Tədqiqat rəhbəri professor Adam Antebi bildirir ki, bu model yaşlanmanın sürətləndirilmiş versiyasını yaradır və yaşlanma prosesini bütün orqanizm səviyyəsində öyrənməyə imkan verir.
Əldə olunan kəşf məməlilərdə yaşlanma prosesləri ilə oxşarlıqları daşıyır və TFEB zülalı hüceyrələrin qida maddələrinə reaksiyasını və kök hüceyrələrin fəaliyyətini tənzimləyir.
Alimlər artıq bu modeli yaşlanmanı geri çevirmək potensialı olan birləşmələrin axtarışında istifadə edir, xüsusilə insulin və TGF-beta siqnal yollarına böyük ümidlər bəslənir.
Bu kəşf yaşla bağlı xəstəliklərin müalicəsində və hətta xərçənglə mübarizədə irəliləyişə səbəb ola bilər, çünki TFEB mexanizmləri xərçəng hüceyrələrinin "yuxuya getməsi" və kimyaterapiyaya davam gətirməsi proseslərinə bənzəyir.
Ayaz
.jpg)
