Konkisürmə İttifaqı rusların beynəlxalq yarışlara buraxılması məsələsinə baxacaq

Beynəlxalq Konkisürmə İttifaqının (ISU) Şurası növbəti iclasında rusiyalı fiqurlu konkisürənlərin və konkisürənlərin beynəlxalq yarışlara buraxılması məsələsinə baxacaq. 

32gun.az bildirir ki, bu barədə RİA Novosti vəziyyətlə tanış olan mənbəyə istinadən xəbər verib. 

Bu məsələyə son bir ildə ilk dəfə baxılacağı bildirilir. Qərar müsbət olarsa, ruslar 2025/26 mövsümündən beynəlxalq arenada mübarizə apara biləcək.

2026-cı il Olimpiya Oyunlarına Rusiyadan idmançıların seçilməsi imkanları da müzakirə olunacaq.

2022-ci il fevralın sonunda BOK beynəlxalq idman federasiyalarına müraciət edib və onlara Rusiya və Belarus idmançılarını heç bir yarışa buraxmamağı tövsiyə edib. 2023-cü ilin sonunda təşkilat rus və belarusların 2024-cü il Olimpiya Oyunlarına neytral idmançı kimi qəbul edilməsi barədə qərar qəbul edib. İştirak etmək üçün onlar bir sıra tələbləri yerinə yetirməli və vəsiqə qazanmalı idilər. Qeyri-rəsmi medal sıralamasında rusların və belarusların medalları nəzərə alınmayıb.

Ayxan